Ek ! Eŭropo kune !

1975 estis "Internacia Virina Jaro", kaj multaj internaciaj organizoj aktivadis pri egaleco inter viroj kaj inoj. Eŭropa Komunumo, kiu estas nun Eŭropa Unio, faris Eŭrobarometra esploron pri tiu temo.

En 1975, Eŭropa Komunumo havis nur 9 membrojn (Germanio, Nederlando, Luksemburgio, Belgio, Francio, Italio, Britio, Irlando kaj Danio). 

Komputaj problemoj kaj iliaj sekvoj

Tiam, oni ne uzis komputilojn kaj printilojn, sed tajpmaŝinojn. La raporto estis publikigita en tri lingvoj, la franca, la angla kaj la germana ; pluraj jaroj poste, oni skanis la paperajn foliojn por fari komputikajn dosierojn, kiuj estas nun en la retejo de Eŭrobarometro : https://europa.eu/eurobarometer/surveys/detail/63.

En 2025 ni prenis la franclingvan version, uzis programon por aŭtomate rekoni literojn kaj faris tekstojn kaj tabelojn en komputika dosiero. Estis multaj eraroj, ĉar la programo malfacile rekonas I (majuskla i), l (minuskla L) kaj 1 (cifero), aŭ 0 (nulo) kaj O (majuskla o)...  Ankaŭ estis eraroj ĉar estis makuloj aŭ faldetoj sur la papero. Ni permane korektis multajn erarojn, sed verŝajne ne ĉiujn.

Espereble, restas en la franlingva dosiero nur ne videblaj eraroj : okulo kaj cerbo de legantoj ne vidas ilin. Tamen tiaj eraroj ĝenas aŭtomatajn tradukilojn, kaj estas multaj eraroj en rezulto de aŭtomata traduko al aliaj lingvoj. Bonvolu pardoni, kaj bonvolu plibonigi la dosierojn de aliaj lingvoj : ni plezure metos la rezulton de via laboro en tiu retejo.

Verkintoj de 1975 ne laboris kiel la nunaj

En 2025, ni ne scias kiu precize verkas la dosierojn de Eŭrobarometro : neniu nomo aperas en la teksto, kaj ni nur povas vidi en ecoj de pdf-dosiero la nomon de la ofico en Eŭropa Unio, ekzemple Direktorejo pri komunikado. En raporto de 1975, ni povas legi nomojn de la ĉefa aŭtoro, Jacques-René Rabier, kaj ankaŭ de kelkaj fakuloj pri statistiko.

Ankaŭ ni povas legi la pensojn de la verkintoj, iliajn hipotezojn (aŭ stereotipojn ?), kaj ofte ni legas ke la rezulto de tiu esploro ne kongruas kun la hipotezoj. Tiu "scienca" sinteno ne estas en raportoj de la 21a jarcento.

Antaŭ 50 jaroj estis komputiloj, jes ja. Ili nur komputis, kaj ne kapablis fari diagramojn kaj laŭtemajn mapojn. En tiu raporto estis nur teksto kaj tabeloj, sed ni aldonis (en 2025) kelkajn diagramojn en la parto "komentoj".

Tamen, en 1975, jam lingvoj disigas homojn : opinioj pli varias laŭ landoj ol laŭ sociaj grupoj

Pri demando "Ĉu vi pensas ke la ŝanĝiĝo estas tro rapida, sufiĉe rapida, maltro rapida ?), el tabeloj 7 kaj 9 de tiu raporto (elcento de homoj kiuj pensas ke la ŝanĝo ne estas sufiĉe rapida), ni faris la ĉi-suban diagramon.

Ne estas granda malsimilo inter respondoj de viroj (26%) kaj de inoj (30%). Estas pli granda malsimilo inter aĝoj (junuloj pensas ke la ŝanĝiĝo estas tro malrapida) kaj inter edukniveloj (homoj kun alta edukado pensas pli ol homoj kiujn ricevis nur baza edukado ke la ŝanĝiĝo estas tro malrapida : 38% kontraŭ 23%. Kaj la plej grandaj malsimiloj estas inter najbaraj landoj : Germanio 38% kaj Danio 15%.

Por scii pli pri opinioj de eŭropaj  inoj kaj iĉoj en 1975, legu la ĉi-subajn dosierojn :