Ek ! Eŭropo kune !

La Konferenco pri estonteco de Eŭropo finiĝis je la 9a de majo 2022, dum oficiala festo en Strasburgo. Publikiĝis la oficiala raporto (en pluraj lingvo, angla, franca, germana almenaŭ), kaj iom poste la retejo malaperis, do plejmulto de la informiloj pri tiu Konferenco ne plu estas haveblaj.

Nun (28a de novembro 2025), en la arkivo de tiu Konferenco, estas havebla nur la fina raporto en la angla. Per tiu artikolo vi povos elŝuti dosierojn de la raporto en ĉiuj oficialaj lingvoj.

La ĉi-subaj dosieroj estas aŭtomate tradukitaj el la franca versio de la fina raporto.

Jes, estas tradukeraroj. La plej malbelaj estas en la unua paĝo, kies titolo ofte fuŝas, sed la teksto mem kutime taŭgas.

Eĉ se estas eraroj en la traduko mem, mi aŭdacas skribi ke tiuj dosieroj estas pli bonaj ol la originala en arkivo de la Konferenco  ĉar la tabelo de enhavo ne bone funkciis en la originalo (ĉefe en finaj partoj, aneksaĵoj). Nun, en niaj dosieroj, vi povas klaki en iu linio, kaj bone iri al la bona paĝo.

Rapida plendo pri honesteco de tiu raporto

En la fina raporto de la tuta Konferenco, pli ol 300-paĝa, la vorto "Esperanto" estas nur unufoje, en itala raporto "Post konstruado de Eŭropo de institucioj, estas esence konstrui Eŭropon de homoj. El ĉi tiu vidpunkto, la centreco de komuna lingvo estas emfazita por ebligi dialogon inter civitanoj de malsamaj landoj kaj egalan aliron al servoj. La revo pri Esperanto kolapsinta, la eliro de Britio el la Eŭropa Unio levis dubojn pri la ebleco adopti la anglan lingvon kiel komunan lingvon, ŝlosilan idiomaĵon en internaciaj rilatoj same kiel ene de la scienca kaj ekonomia sistemo."

"Esperanto kolapsinta" ? Ni ne vidis tion en la raporto pri multlingva platformo (proks. 100-paĝa, en kiu la vorto "Esperanto" estas 27-foje). Ĝi malaperis el tiu Konferenco pro agado de iuj kiuj deziris kolapsigi ĝin ; vidu pri tio filmeton, ĉefe post 13:30 . Sed restas la ĉefa punkto : kiel fari komunan lingvon ? Tuj post tiu paragrafo estas rekomendo "Antaŭenigante la adopton de komuna lingvo.". Ho, jes, per Esperanto, kiu ne tiom estas kolapsinta !

"Komuna lingvo" estas ankaŭ en rekomendo 38 :

38. Ni rekomendas, ke la angla estu instruata, laŭ atestebla normo, kiel kerna fako en bazlernejoj tra ĉiuj EU-membroŝtatoj por faciligi kaj plifortigi la kapablon de eŭropaj civitanoj komuniki efike.

Ni rekomendas ĉi tion ĉar:
● Ĉi tio provizus pli grandan unuecon kaj egalecon per pliigo de la kapabloj de civitanoj komuniki unu kun la alia kaj subtenus pli fortan komunan eŭropan identecon.
● Ĉi tio permesus pli larĝan, flekseblan kaj pli alireblan labormerkaton, donante al civitanoj la fidon labori kaj komuniki en ĉiuj aliaj membroŝtatoj, provizante pli grandajn personajn kaj profesiajn ŝancojn.
● Komune uzata eŭropa lingvo povus esti atingita en tre mallonga tempodaŭro se ĉi tio estus efektivigita.
● La uzo de komuna lingvo akcelas la interŝanĝon de informoj, kio utilus al kunlaboro, reagus kune al krizoj, helpus humanitarajn klopodojn kaj alproksimigus Eŭropon kaj eŭropanojn.

Jes pri la kialoj : estus bone havi "komune uzata eŭropa lingvo". Sed en multaj landoj de Eŭropo la angla estas jam instruata de pluraj jardekoj, kaj homoj ne kapablas "komuniki unu kun la alia". Se ni vere deziras ke "Komune uzata eŭropa lingvo povus esti atingita en tre mallonga tempodaŭro", necesas pli facila, pli preciza, malpli konfuza lingvo ol la angla. Necesas Esperanto.

(fino de la plendo, jen la dosieroj)