La Konferenco pri estonteco de Eŭropo finiĝis per granda ceremonio en Strasburgo, je la 9a de majo 2022. Kiam ĝi komenciĝis, je la printempo 2024, oficialuloj diris ke ĝi estu/estos granda demokrata evento, dum kiu ĉiuj eŭropanoj povos doni sian opinion, kaj ke ties proponoj estos gravaj por decidi la estontaj decidoj de Eŭropa Unio.

Kio postrestas ? Kvazaŭ nenio, kaj spuroj de tiu Konferenco malaperas. Estis retejo https://futureu.europa.eu sed ĝi malaperis, kaj restas malmultaj partoj en arkivo. En ĝi, la unua etaĝo estis "multlingva platformo", kies raporto montris gravecon de lingvoj por Eŭropanoj (kaj gravecon de Esperanto), sed la raporto estis nur anglalingva.

Jen la fina raporto en ĉiuj oficialaj lingvoj kaj Esperanto.

(iri tuj al dosieroj)

La Konferencon oni priskribis kiel granda demokrata evento, dum kiu ĉiuj eŭropanoj povis doni sian opinion. Oni diris al ni ke eŭropuniaj estroj aŭskultos la popolojn kaj iliajn proponojn. 

Lingvaj friponaĵoj dum la Konferenco

Legante la raporton, vi konstatos ke lingvaj aferoj gravas. Eĉ Esperanto estas multfoje citita, 27-foje se mi ne eraris. Ĝi estis specife grava en temo "Edukado, kulturo, junularo kaj sporto" : en la tabelo de plej apogitaj kaj komentitaj ideoj, ĝi estas en plejmultoj de la ĉeloj (la du superaj ĉeloj ankaŭ rilatis al Esperanto). Sed ĝi ne estis tre videbla en la "mensa mapo" de tiu temo (esploru la mapon, kaj serĉu ĝin!).

Poste, membroj de la "paneloj" estis ricevontaj la "ĉefajn rezultojn" de tiu multlingva platformo. Sed la prelegintoj kvazaŭ ne parolis pri proponoj de komuna lingvo. En angla kaj hispana versio, estis nur vortoj "komuna lingvo", kaj en la franca, estis nenio. 
Se vi deziras pruvojn, spektu filmeton (en la franca, sed subteksto en Esperanto haveblas). Aŭ spektu la unuan sesion (je 56 min.) kaj la duan sesion (je 18:29) de tiu panelo, en oficiala retejo de Eŭropa Unio (vi povos elekti la lingvon).

Do la partoprenintoj de la paneloj ne ricevis la verajn informojn, kaj ne povis fari taŭgajn proponojn. 

Nenia efiko de la Konferenco en Eŭropunia politiko

Ĉu tiuj friponaĵoj sukcesis ? Ĉu la Konferenco gravis por ŝanĝi eŭropunian politikon (al bono aŭ al malbono) ?

Tute ne ! 

• Antaŭ tiu fina raporto de la multlingva platformo estis kelkaj "provizoraj raportoj", en pluraj lingvoj (almenaŭ en la franca, sed verŝajne ne nur). Tiu fina raporto neniam estis en alia lingvo ol la angla : post la 9a de majo 2022, ĉio haltis.
• En la vikipediaj paĝoj pri tiu Konferenco, neniu artikolo priskribas efikon, aŭ sekvon de la Konferenco. Je la 20a de novembro 2025, estis artikoloj en 9 lingvoj (kataluna, germana, angla, hispana, Esperanto, franca, itala, sveda kaj ĉeĥa). Ĉiuj haltis la priskribon je la komenco de 2022 (maksimume) ; en neniu estis priskribo pri efiko de la Konferenco. Verŝajne en ĉiuj lingvoj la redaktanto pensas ke ne utilas aldoni ion.

Morala instruo : mensogoj ne atingis sukceson

La konkludo estas ke tiu Konferenco estis malbone farata, kun multaj malveraj asertoj (aŭ kaŝoj de veraj informoj). Finfine, ĝi ne sukcesis.

Eble (espereble ?) ĝi ne sukcesis ĉar ĝi baziĝis sur malvero.

Dosieroj : 

(ĉiujn tradukojn faris sistemo eTranslation, krom tradukon al Esperanto kiun faris Google ; la traduko de Google estas ĝenerale taŭga, krom la fina parto, en kiu fuŝaĵoj estas en tabeloj de plej apogitaj kaj plej komentitaj ideoj)