Fina raporto de la Konferenco pri estonteco de Eŭropo

10 marto 2024

Fina raporto de la Konferenco pri estonteco de Eŭropo

Redaktita de Pierre Dieumegard Neniu komento

Klasifikita en : Diversaĵoj Ŝlosil-vortoj : Konferenco, estonteco, eŭropo, raporto, eŭropa unio

La Konferenco pri estonteco de Eŭropo finiĝis je la 9a de majo 2022. Kvar monatoj poste, komence de septembro 2022, la oficiala raporto estas nur en tri lingvoj (la angla, la germana kaj la franca). Por la aliaj lingvoj, en la paĝo de raportoj, estas nur indiko "la traduko venos poste".

Komence de septembro 2022 : ĉar ni ne scias kiam venos traduko en aliaj lingvoj (eble neniam ?), ni metis en la retejo Eŭropokune la raportojn en ĉiuj oficialaj lingvoj.

Komence de novembro 2022 : la dosieroj aperis en novaj lingvoj. Tamen, en la paĝo pri raportoj, daŭre estas indiko "la traduko venos poste". Strange !

Jen la raportoj en 24 lingvoj, en du formatoj (.docx kaj .pdf). Ili venas de dosiero en franca lingvo, post aŭtomata traduko.

Kiel kutime, la aŭtomata traduko ofte fuŝis, sed ni esperas ke la dosieroj en aliaj lingvoj utilos. Ekzemple, en la hispana traduko la titolo estis "Conferencia de las Naciones Unidas sobre el futuro de Europa", kies signifo estas "Konferenco de Unuiĝintaj Nacioj pri la estonteco de Eŭropo". Kial Unuiĝintaj Nacioj ??? Mi do forigis tiujn vortojn.

Kiel kutime, ni alvokas vin plibonigi la dosierojn en viaj lingvoj, kaj resendi al ni tiujn bonajn dosierojn. Dankon !

Lasta reklamo : komparu tiun dosieron, kun la oficialaj proponoj, al la raporto pri la multlingva platformo, en kiu ĉiuj homoj povis doni opinion. Vi vidos ke en la multlingva plaformo esperanto estis forte subtenata kaj komentata, ĉefe en la temo "edukado, kulturo, junularo kaj sporto", sed tio tute malaperis en la fina raporto.

Ek ! Eŭropo kune !

Ni faru Eŭropon kune, libere, juste.

Fina raporto de la Konferenco pri estonteco de Eŭropo

Skribi komenton