Ek ! Eŭropo kune !

Tiu raporto Eŭrobarometro estis atendata de multaj jaroj, ĉar la lasta pri tiu temo estis dek du jara (Eŭrobarometro 386 de 2012). 

Tamen tiu raporto ne estas vere kontentiga.

• grafikaĵoj kaj tabeloj estas ofte malprecizaj bildoj, do ne facile legeblaj
• la teksto (kaj la gazetara komuniko) estas tre "pozitivaj", kaj diras ke Eŭropanoj konsentas kun la oficialaj deziroj de multlingveco kaj de angla lingvo. Tamen, kiam oni rigardas precize la nombroj en la tabeloj, la afero estas malpli ĝoja. La "celo de Barcelono" estas ke ĉiuj homoj scipovos tri lingvojn (familia lingvo + du fremdaj lingvoj), sed fakte oni instruas nur la anglan lingvon, kaj la proporcio de homoj kiuj scipovas aliajn lingvojn kreskas ege malrapide.
• en la raporto de 2012 estis demandoj pri deziro de komuna lingvo, kaj pri justa trakto de ĉiuj lingvoj. En tiu tempo, la respondo de granda plimulto de Eŭropanoj estis "jes, ni deziras ke ĉiuj lingvoj estos same traktataj" kaj "jes, ni deziras komunan lingvon". Tiuj deziroj eble ŝajnas paradoksaj, krom se tiu komuna lingvo estos Esperanto, kaj ke la uzo de Esperanto ebligos justan traktadon de ĉiuj naciaj aŭ regionaj lingvoj. 
  Tiuj demandoj malaperis en la raporto de 2024. Anstataŭ estas demando pri regionaj kaj minoritataj lingvoj : plejmulto de demanditoj deziras bonan traktadon de tiuj lingvoj. Sed tiu anstataŭigo estas malhonesta : ne decas forigi demandojn kies rezulto estas malkongrua kun la kutima agado de Eŭropaj gvidantoj.