Ek ! Eŭropo kune !

Por nia vivo, gravas medio, do Europaj gvidantoj petis esploron pri opinioj de Eŭropanoj, kies rezulto publikiĝis en la angla dum printempo 2024.

Tamen ni bedaŭros ke neniu demando temis pri la ĉefa problemo de nia nuna tempo : la granda kvanto de karbondioksido en aero, kiu estas kaŭzo de klimata varmiĝo.

Estas ĝeneralaj demandoj pri kemiaĵoj kaj sano, pri rubaĵoj, pri akvo, kaj pri "cirkla ekonomio", en kiu rubaĵo iĝas krudmaterio por aliaj produktoj. Plidetale estas partoj pri "senfinaj kemiaĵoj" PFAS, kaj pri problemoj de akvo.

Kiel kutime, tiu raporto diras ke homoj konsentas kun la gvidantoj, kaj ke ili progresas en bona vojo.

Tamen tiu aserto ne estas certa. En la komenco, ni legas "la konduto de konsumantoj evoluas al pli da daŭreblo", sed ne estas komparo kun alia esploro, do ni ne povas konkludi pri iu ajn evoluo.

Ni aldonis parton pri "komentoj", kun kelkaj rimarkoj pri eraroj aŭ mankoj en la esploro, kaj grafikaĵoj pri la datumoj de la raporto.

Pri "eternaj kemiaĵoj" PFAS, ni vidas ke iuj grupoj tre timas ilin, kaj ke aliaj grupoj neglektas ilin. Viroj kaj inoj same pensas, edukitaj homoj iom pli timas (aŭ zorgas ?) ol homoj kiuj forlasis frue la edukan sistemon, sed la plej gravaj malsimiloj estas inter landoj, kiel ofte.

Ankaŭ ni vidas grandajn malsimilojn pri akvo (QB15). Mediteraneaj landoj timas sekecon, kaj baltaj landoj timas algojn. Malfacile estas fari komunan politikon pri akvo por Eŭropa Unio !

Dosieroj en formatoj .odt kaj .pdf :