Ek ! Eŭropo kune !

Sociaj amaskomunikiloj estas fluoj de informoj, onidiroj kaj klaĉoj. Estas malfacile distingi fakton de fikcio, kaj registaroj maltrankviliĝas pri la rapida disvastiĝo de misinformado en Facebook, TikTok, X/Twitter kaj aliaj platformoj.

Eŭropa Parlamento organizis dum komenco de 2025 enketon pri tiaj komunikiloj.

(iri tuj al dosieroj)

La rezulto de tiu enketo estas en https://europa.eu/eurobarometer/surveys/detail/3592, nur en la angla, kiel kutime.

Graveco de sociaj retoj pri sociaj kaj politikaj aferoj varias : malpli ol 50% uzas ilin en Francio, sed pli ol 80% en Kipro. Do ni komprenas ke en iuj landoj, registaroj zorgas pri falsaj novaĵoj disdonitaj de sociaj retoj.

En tiu raporto, ni vidas ke babilrobotoj ne multe gravas por informiĝi pri sociaj kaj politikaj aferoj. Tamen, mia sperto kun junuloj estas malsama : mezlernejanoj ofte petas informojn de ChatGPT aŭ aliaj AI-robotoj.

La firmao Meta estas grava en tiuj informfontoj : ĝi posedas kaj estras Facebook, Instagram kaj Whatsapp, do tri sociaj retoj en la kvin plej uzataj.

Problemo de la gazetara komuniko de Eŭropa Unio :

En tiu raporto estas interesaj informoj, sed ankaŭ "falsaj informoj", aŭ almenaŭ "ne taŭgaj informoj".

En la raporto, parto 3.2, estas demando "Ĉu vi sentas vin memfida, ke vi povas rekoni misinformadon, kiam vi renkontas ĝin?" . Ni povas legi ke poloj malpli memfidas ol maltanoj, ke viroj pli memfidas ol inoj, ke junuloj pli memfidas ol maljunuloj. Prave aŭ malprave, ni ne scias.

En la retpaĝo de Eŭropa Unio pri tiu enketo, je la fino, estas ligilo "Press Release" al oficiala gazetara komuniko, en la angla, sed aliaj lingvoj eblas. La titolo de tiu komuniko estas "Novaj EU-rimedoj necesas por igi interretajn servojn pli sekuraj por neplenaĝuloj". La teksto proponas regulojn por sekurigi interreton por junuloj, kaj en la fino, estas ligilo al la paĝo de tiu enketo.

La problemo estas ke en la raporto ne temas pri neplenaĝuloj. La vorto "minors" ne estas en la raporto. Eble la memfido de junuloj estas danĝera, kaj leĝoj devas protekti ilin kontraŭ tiu memfido, sed la raporto ne temas pri tio.

Jen dosieroj de traduko de la raporto Eŭrobarometro (el Eŭropa Parlamento) EBFl014 pri uzo de sociaj retoj/medioj en 2025.